ابن مقنع — رؤسای زنادقه+دندر و مسقط رأسی مرو
اسمی عبداللهدر. مرقوم مجوسی ایكن علم و حكمتله شهرت
بولوب صكره اسلامه كلدی لكن عقلی علمنه مغلوب اولدیغندن
زندقه والحاددن قورتیله+مدی و ابا مسلم وفات ایتدكدنصكره اكا موضوع
اولان روح اصلی بنم جسدیمه حلول ایتمشدر شمدی الوهیت بنده+در دیه+رك
برطاقم جهلایی باشنه طوپلایوب خراسانده مبیضه مذهبنی میدانه چیقاردی
و بصره والیسی مرقومك بو هذیانلرینی و جمعیتنی خبر آلدقده ذاتاً ایتدیكی
استهزالردن طولایی مغبرالحاطر اولدیغندن (٧٧٥ م و ١٥٩ ه) تاریخنده
خلیفه منصورك مساعده+سیله عسكر كوندروب جمعیتنی طاغتدی و كندوسنی
طوتوب اللرینی و ایاقلرینی قطع و تنور ایچنده احراقله اعدام ایلدی یاخود
ابن مقنع اله كچه+جكنی اكلادقده اولاد و عیالیله كندوسنی آتشده یاقدی. چاه نخشب صاحبی (ابن مقنع) دخی بو حریف اولمق كركدر كویا طاشكند ایله سمرقند اره+سنده واقع (نخشب) نام قصبه جوارنده بر قیو
حفر ایدوب سحر ویا شعبده بازی ایله درونندن ضیای قمره مشابه بر ضیا ظهور
ایتدیرمش و بو ضیا قیونك ایكی فرسخ قدر اطرافنه منتشر اولمش ایدی دیرلر
بو حكایه شاعرلره بر سرمایه+در. كلیله و دمنه كتابنی فارسیدن عربی+یه
ترجمه ایدن بودر.