لغات تاریخیه و جغرافیه

Lugat-ı Tarihiyye ve Coğrafiyye

بانق

Bank

)بانق — آوروپاده پولیچه اصولنك ایجاد اولنمسیله اون ایكنجی عصر میلادیده تشكل ایتمش صراف شركتلرینك اسمیدر بانقه+لرك اولوقت ایشلری مسكوكاتك قلتندن ناشی چكیلان مضایقه+نك دفعنه مدار اولمق اوزره بر مقدار ربح ایله سندات اسقونطو ایتمكدن و پولیچه طریقیله بر محلدن محل آخره نقد ارسالنی تسهیل ایلمكدن عبارت ایكن مؤاخراً صنایع و تجارتك ترقیسی و امور مالیه+نك محور لایقنده دورانی مقصدیله ارباب صنایع و تجارته و حكومتلر اقچه اقراض ایتمك و ایستیانلرك اقچه+لرینی ایشلتمك اوزره اخذی كبی خصوصات ایله توسیع دائرۀ معاملات اطشدر الیوم هر ملكده اولدیغی كبی فرانسه+ده دخی بعض خصوصی بانقه+لردن بشقه دولتك حمایه+سی تحتنده (بانق دوفرانس) و (بانق دیسقونت) ناملرنده جسیم صراف شركتلری موجود اولوب (بانق دوفرانس) تجاردن اوچ معتبر ذاتك امضالرینی حاوی سنداتی مختلف المقادیر اسقونطولرله اقچه+یه تحویل ایدر و فرانسه مالیه و شمندوفر سنداتی و كولچه التون و اجنبی مسكوكاتی مقابلنه اقچه اقراض ایلر و قیمت مخمنه+لرندن بهر التی ماهده یوزده سکز فائضله هر نوع سندات و مجوهرانك محافظه+سنی و بانقه+یه جیرو ایدیلان سندات بدللرینك تحصیلی خصوصلرینی تعهد و حساب جاری اصولی اوزره اقچه قبول ایدر و ابراز اولندیغی انده بدلی تسویه اولنور صورتده اوراق تقدیه نشرایلر. (١٨٦٣ م و ١٢٨٠ ه) تاریخنده درسعادتده دخی ایكی ملیون یدی یوز بیك انكلیز لیراسی سرمایه و اوتوز سنه امتیاز ایله بر بانقه كشاد اولنوب مؤاخراً مدت امتیازیه و سرمایه+سی توسیع اولندی. (بانق) ایتالیانجه (پیش تخته) معناسنه اولان (بانقو)دن مأخوذدر.