پانطوغراف —
هر نوع رسم و خریظه+لری مراد اولنان نسبتده بیولدە+رك یاخود كوچلده+رك عینیله وغایت صحیح صورتده قوپیه ایتمكه مخصوص بر آلتدر. اشبو آلت درت محور واسطه+سیله و بو محورلر اوزرنده حركت ایدر طرزده و متوازی الاضلاع شكلده یرلشمش درت عدد جدول تخته+لرندن عبارت اولوب ترتیب مخصوصی ایجابنجه مذكور جدول تخته+لرندن برینه استقامتنجه ربط اولنمش بر قلم بر رسم ویا خریطه+نك خطوطی اوزرنده قوری قوری+یه كزدیرلدیكی اثناده دیكر جدولك استقامتنه مربوط بر قورشون قلمی دخی كندوسنه ویریلان وضعیته كوره خطوط مذكوره+یی بر نسبتده بیوك یا كوچك اوله+رق رسم ایدر. بو آلت اون التنجی عصر میلادیده ایجاد اولنمش و ١٦١٥ م و ١٠٢٤ ه) تاریخنده فرانسه+یه و اون بش سنه صكره ایتالیایه ادخال ایدلمشدر. بونك مجسماته مخصوص نوعیده واردر. ترکجه+سی (پركار میمونی)در.