لغات تاریخیه و جغرافیه

Lugat-ı Tarihiyye ve Coğrafiyye

پانسیلوانیا

Pensilvanya

پانسیلوانیا — امریقای شمالی حكومات مجتمعه+سندن بری اولوب شمالاً (نیورق) جنوباً (ورژینی) ایله (ماریلان) غرباً (اوهیو) شرقاً (نیوژرزی) حكومتلریله محدوددر. شرقدن غربه طولا ٤٤٨ و عرضاً ٢٤٠ كیلومترو وسعتی اولوب اوچ ملیونه قریب اهالیسی واردر مقر ادارە+سی (هاریسبورغ) ایسه+ده (فیلادلفی) ایله (پتیسبورغ) شهرلرینك اهمیتی دها زیادە+در متعدد نهرلر و هر طرفنده برچوق شمندوفرلری واردر هواسی معتدل و اراضی منبت اولوب هر نوع حبوبات و توتون و آصمه و توت اغاجلری امریقای مجتمعه+نك هر بر محلندن زیاده بوراده حاصل اولور و كنیش اورمانلری و كوزل مرعالری واردر كه اورالرده كلیتلی مواشی بسلنور. بز صابون كاغد جام چوملك خلاطجیلق صنایعی پك رواجلیدر معدن كموری و تیمور قورشون باقر معادنی اولدیغی كبی زمرد معدنی دخی واردر. آوروپالیلر پانسیلوانی+یه كیرمزدن اول بوراسی (لناپ) جنسندن برطاقم قبائل ایله مسكون ایدی. اشبو مملكت (والتر رالیع) نام انكلیز طرفندن كشف اولندی برنجی (ژاق) زماننده بو مملكته برطاقم كوچلر اسكان ایدلدی و (١٦٨١ م و ١٠٩٣ ه) تاریخنده (كه+كرویوپن) نام ذاتك فاملیاسی دولتدن الاجغنه مقابل اشبو مملكتی اخذ ایدرك توطن ایلدی حكومت مذكوره+نك خصوصی بر قانون اساسیسی واردر. (پن سیلوا) لاتین لساننده (پن) اورمانی دیمكدر.