پانزهر صحیحی (بادزهر) —
بین الناس قاطع تأثیر سم اعتقاد اولنان و حیوانات ثدیه+نك اكثریا انبوب هضمیسندن چیقاریلان بر علاجدر. اك معروفی اولان (بادزهر حضری) یعنی یشیل رنكلیسی کچی شردانندن و بقله صاریسی رنكنده اولان بر نوعی اوقلی كرپینك قارنندن و دیكر نوعی میموندن چیقاریلور بونلر اكرچه مقدما پك مقبول و معتبر ایدیسه+ده شمدی هر سمك نوع وطبیعتنه كوره ادویۀ مخصوصه موجود اولدیغندن پانزهره احتیاج و صحتنه اعتماد قالمامشدر. امریقاده (لاما) دنیلان بیوك حیواندن و قرە+جه+دن دخی پانهر چیقاریلوب كتورلمكده و بو پانهر بر درجه+یه قدر قبول اولنمقدە+در.