لغات تاریخیه و جغرافیه

Lugat-ı Tarihiyye ve Coğrafiyye

باندو

باندو — اشبو باندونك پك اسكی زمانده هندستانده ابنای قمردن اولان (شاندرا) سلاله+سنه منسوب بر سلسلۀ حكمرانی اولدیغی و بونلرك حكومت ایتدكلری بر زمانده اهالینك بر محاربه+یی قزاندقدنصكره (همجنسمزی نیچون بویله پریشان ایتدك عالمده بر طرفك حاصل ایتدیكی لذت ظفر اکثریا دیكر طرفك مظلومیت و مغدوریتیله وجوده كله+یور ارتق بزم ایچون بوندن صكره بو بیچارە+لرك كوزلری اوكنده حاكمیت و عظمت صاتمق عیبدر) دیه رك (همالایه) طاغلرینه چكلدكلری و بو وقعه+دن صكره دخی هندستانده سلالۀ مذكوره+دن التمش درت نفر حكمدار كلوب ) دهلی) شهرینی مقر سلطنت اتخاذ ایتدكلری اسكی هند تاریخلرنده محرردر. تواریخ مزبوره (سریا) نام سلالۀ حكمرانی+یی دخی ابنای شمسدن اولمق اوزره بیان ایدر. هندستان روی زمینك اك قدیم و معمور بر قطعۀ جسیمه+سی اولدیغی حالده وقایع عتیقه+سنی متضمن الده شایان اعتماد بر تاریخی بولنه+مامسی باعث تأسفدر