لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
بامیه و لحنه اوجاغی
Bamya ve lahana ocağı
بامیه و لحنه اوجاغی — دولت علیۀ عثمانیه+نك بانئ ثانیسی چلبی سلطان محمد خان حضرتلرینك تأسیس ایتمش و دشمنلری علیهنده استعمال ایدرك تمامیله غلبه ایلمش اولدقلری تعلیملو ایكی سواری فرقه+سید (بامیه او جاغی) اماسیه شبحعان اهالیسندن و (لحنه اوجاغی) دخی مرزیفون ولایتی دلاوران اهالیسندن تشكیل ایدیلوب هر ایكیسنه اماسیه ایله مرزیفون بیننده کائن صول اووە+ده اصول حربه تطبیقاً جندیلك اوكردش و اماسیه اراضیسی ورزن بامیه و مرزیفون اعلا لحنه انبات ایتمكله مذكور فرقه+لردن برینه بامیه اوجاغی نامی و دیكرینه دخی لحنه اوجاغی نامی ویرلمش ایدی صكره اشبو اوجاقلرك انتظام احوال و تعلیم و تعلملرینه فاتح حضرتلری طرفلرندن دخی اعتنا بیورلمغله و عادتا مذكور اوجاقلرك سواریلكده و اوریجیلق و كسیجیلكده مهارتلری زمانمزك اك معلم سواری فرقه+لری درجه+سنه وارمغله یوزلرندن نیجه غلبات و فتوحات میسر اولمشدر