لغات تاریخیه و جغرافیه

Lugat-ı Tarihiyye ve Coğrafiyye

بالینه / قدرغه

Balina

بالینه — یاخود (قدرغه) — قطب شمالی ذكزلرنده بولنور بر بیوك بالغك اسمیدر. بو بالق ممه+لی حیواناتك ات ییجی جنسندندر دائما تك كزر اك بیوكی اوتوز درت مترو طولنده+در آیی بالغنه مشابه ایسه+ده قویروق طرفی اینجه و باشی طولنك ثلثی نسبتنده بیوكدر و آغزنده دیش یرینه بوینوز جنسندن بربری آردنده متعدد صفیحه+لر واردركه بوندن شمسیه چبوغی و باستون كبی شیلر اعمال ایدرلر قویرویغی غایت قوتلتدر بوغازینك طارلغی مناسبتیله بیوجك بالقلری بلع ایده+مدیكندن دائما كوچك بالقلری صید و بلعه مجبور اولور و اشبو كوچك بالقلری او قوجه اغزینه صو ایله برابر الوب صكره صویی دماغنده اولان ایکی دلیكدن هوایه طوغری فسقیه كبی پوسكورر بونك صیدی قطب دكزلرینك بوز طوتمدیغی زمانه یعنی مایسدن اغستوسه قدر موسم صیفه منحصر اولدیغندن اولوقت صیادلر كمیلرله چیقارلر و بالغی صویك اوزرنده كوردكلری كبی صندللرله یاقلاشوب یای ایله زیبقین آته+رق اوررلر بالق زیبقینك اجیسیله قعر دریایه طوغری قاچار ایكن زیبقینك اوجنه باغلی اولان ایپی سرعتله صالیویررلر نفس المق ایچون تكرار صویك یوزینه چیقدقده بر زیبقین دها آتوب بو صورتله تلف ایدرك كمینك یاننه یاخود ساحله یناشدیررلر و پارچه پارچه کسه+رك یاغنی و دیشلری مقامنده اولان لوحه+لری آلورلر بر بالقدن یكرمی بیك فرانق قیمتنده التمش فوچیدن زیاده یاغ حاصل اوله+بیلور