بالی خلیفه — مظنۀ كرامدن سرخوش بالی دیمكله مشهور بر ذات ستوده سماتدر. مشار الیه شهزاده سلطان احمدك خواجه+زاده+سی و اوتوز اقچه وظیفه ایله کپنکجی مدرسه+سنك مدرسی ایدی بر كون رؤیاسنده
فقراسیله ذكر ایدر بر شیخ كبیر كورر و سن نیچون حلقۀ ذكره كیرمییورسك دیو خطاب ایتمسیله اویانوب فرداسی كونی تصادفی اوله+رق شیخ رمضان افندی حضرتلرینك مجلسنه وارر و رمضان افندی رؤیاسنده كوردیكی شیخ اولدیغنی اكلادیغی كبی همان خاكپاینه قپانوب داخل دائرۀ فیض باهرە+سی اولور كیدەرك بادۀ عشق آلهی ایله سرخوش و رحیق جذبات سبحانیه ایله مست و مدهوش اولدیغی جهتله (سرخوش بالی) لقبیله شهرت بولور. مؤاخراً (پیروزه علی) نامنده بر جوانك شیفتۀ حسن و آنی اولمغله (جوهری) مخلصیله دخی تخلص ایلمشدر. كرامات علیه+سندن اولمق اوزره تلقین ویردیكی بر میتك صداسی ایشیدلمش و معاصری اولان شیخ نورالدین زاده تلقینی انكار ایتدیكیچون جهان خلقی شود كلو منكر اولمشدر كراماته ندر بو فعل منكر دیر اكر موتایی سویلتسك بیتنی تعریض كونه انشاد ایلمشدر. وفاتی (١٥٧٢ م و ٩٨٠ ه) تاریخنده+در.