بالی بك — سلطان بایزید ثانی امراسندن مالقوچ اوغلی دیمكله مشهور بر قهرماندر. له قرالنك ممالك عثمانییه+یی غارت ضمننده جمع و بغدان طریقیله سوق ایتدیی عساكرك التی بیك کشیدن عبارت اولان طلبعه+سنی سرحد نفراتندن التی یوز نفر عساكر شاهانه ایله بغدانده پوصویه چكوب كاملاً محو و یكرمی بیك عربه اشیالرینی اغتنام ایتمشیدی متعاقباً دلیر مشار+الیه لهستان تأدیبنه دخی تعیین بیورلدیغندن قرق بیك عسكر ایله كیدوب غارت نصل اولدیغنی اكلتدی و برچوق غنایم و اسرا ایله سلستره+یه عودت ایدوب مظهر آفرین اولدی (١٤٩٣ م و ٨٩٩ ه) مشار الیهك بو كبی دها پك چوق محارباتده شجاعت و اهلیتی كورلمشدر