بالی افندی —
رجال خلوتیه+دن بر بیوك ذاتدر. بو ذات عالیقدرك علوم ظاهره+ده اولان فضل و اقتداری علوم باطنه+ده اولان كمالندن اشاغی دكل ایدی. مشار+الیه كمال پاشازادە+نك رساله+سنده محرر اولان ردودی رد و (كنت کنزاً مخفیاً) حدیث قدسیسنده اولان رموزی اظهار ایتمش و قضا و قدره دائر بر مكمل رساله قلمه آلمش و (محیی الدین العربی) حضرتلرینك فصوصنه امر معنوی ایله بر شرح یازمشدر. مسقط رأسی (استرومجه) قضه+سی اولوب (١٥٥٢ م و ٩٦٠ ه) تاریخنده صوفیه+ده وفات ایلدیكندن نعش شریفی صوفیه+نك بر ساعت خارجنده
صالحیه دیدكلری محله دفن و اوزرینه غایت منتظم بر قبه بنا و یاننه مكمل سد و زاویه انشا اولندی حالا زیارتكاه خواص و عوامدر.