) پالرموی —
سچلیا اطه+سنك ساحل شمالیسنده و اتالیا دولتی زیر ادارە+سنده بر كوزل مملكتدر. و سجلیانك مركز اداره+سیدر و نفوس موجوده+سی ایكیوز یكرمی بیك تخمین اولنمقدە+در. مملكتك اطرافنده سكز كیلومترو دورنده بر حصاری و هر فن ایچون مكتبلری و بر كوزل لسانی واردر. پالرمویی میلاددن تخمیناً بیك سنه مقدم فنیكه مهاجرلری تأسیس ایدوب (پانورمس) تسمیه ایتمشلر ایدی. عربلر (٢١٣) تاریخنده سچلیانك (ساراغوز) شهرینی و (٢٢٨)ده مسینا شهرینی و (٨٥٨ م و ٢٤٤ ه) تاریخنده دخی (قسترو) قلعه+سنی و دها برقاچ مملكتلرینی آلوب ایكیوز قرق سنه قدر حكومت سوردیلر. بوراسی بر آره+لق فرانسزلرك ید ضبطنه دخی مشیدی صكره یعنی (١٢٨٢ م و ٦٨١ ه) تاریخنده اهالی بر اتفاق خفی عقد و كیجه+لری شوراده بوراده راست کلدكلری فرانسزلری قتل ایدرك كافه+سنی مملکتدن قاچردیلر.
سچلیا تین قرالی زیر حمایه+سنده بولندیغی ناپولی دولتنه بعض القاآت ایله عصیان ایدرك (١٨٦٠ م و ١٢٧٧ ه) تاریخنده مركز اداره سی اولان (پالرمو) شهرینی غاریبالدی+یه آچمسیله غاریبالدی ابتدا سچلیایی و متعاقباً ناپولی+یی غایت قولای بر صورتده آلوب ایتالیایه الحاق ایلدی.