پالاس —
سیارات دوربینی دنیلان و شمدی+یه دكین بر یوزاللی قدری كشف ایدیلان صغیر الحجم اجرامك درت بیوجكلرندن برینك اسمیدر. بونی (١٨٠٢ م و ١٢١٧ ه) تاریخنده المانیاده پرم شهرنده (اولبر) نام اخترشناس كشف ایلدی قطع ناقص شكلنده بر محرك اوزرنده شمسه غایت یقین اوله+رق دور ایتمكده+در و كشف تاریخنجه مذكور سیاراتك ایكنجیلریدر (سرس) و (ژنون) و (وستا) نام سیاره+لر دخی ذكر اولنان بیوجكلرینك دیكرلریدر سرس ١٨٠١ده (پیازی) معرفتیله و ژنون ١٨٠٤ ده (هادینغ) معرفتیله ووستا ١٨٠٧ ده ینه مرقوم (اولبر) معرفتیله
كشف اولنمشدر