لغات تاریخیه و جغرافیه

Lugat-ı Tarihiyye ve Coğrafiyye

باكواس / باغوساس

)باكواس یاخود (باغوساس) — ملوك كییانیه+دن فرس ملكی اوچنجی (اردشیر)ك وكلای بنامندن مصرلی بر خادم اغاسیدر. بو خائن ابتدا هر نقدر مصرك فتحی ایچون اردشیره معاونت ایتدی و او سایه+ده ایرانه كلوب مساند عالی+یه نائل اولدیسه ده مصرلیلرك پرستش ایتدكلری اوكوزی اردشیر ذبح ایلدیكنه قلباً كوجندیكی جهتله اردشیرك مترصدفرصتی اولمشیدی آره+دن بر مدت مرورنده فرصت بولوب مشار الیهی تسمیم و یرینه اوغلی (ارسات) یاخود (اوخوس)ی اجلاس ایلدكدنصكره ارساتك قرنداشی و ایكی سنه صكره ارساتی دخی اعدام ایتدیروب یرینه ایكنجی (دارا)یی چیقارتدی و براز صكره بونی دخی بجرمك اوزره ایكن (دارا) دها اول طاورانوب خائنك باشنی خایه+لرینه دوندردی.