باقی —
(مداح اوله+لی چشم غزالاننه باقی
اوكرندی غزل طرزیغی رومك شعراسی)
و (بودور ایچنده بنم پادشاه ملك سخن
بكا صونلدی قصیده بكا ویرلدی غزل)
بیتلریله صدر آرای دیوان فضل و عرفان اولان ملك شعرای روم باقی افندی مرحوم كه (١٢٥٦ م و ٩٣٣ ه) تاریخنده فاتح جامع شرین مؤذنلرندن بر ذاتك كهوارۀ صلبندن سرنهاده عالم وجود اولدی. كنجلكنده سراح شاكردلكه و برلدیسه+ده مفطور اولدیغی علو طبع و درایت كندوسنی طریق تحصیله دعوت ایلدیكندن بر زمان اویولده قطع مسافه ایدرك قرمانی و قاضی زاده لر
كبی فضلای عصرك همتیله (١٥٥٥ م و ٩٦٣ ٥) تاریخنده حلب قاضیسی و طقوز سنه صكره سلوریده پیری پاشا مدرسه+سنه و مؤاخراً پایۀ اربعیندن انفصال و دور ایدرك سلیمانیه مدرسه+سنه مدرس اولدی و بر آرە+لق سلطان سلیم ثانینك باده نوشلغنی ذم تهمتیله نفی اولنوب مؤاخراً ینه مظهر عفو اوله+رق بالتدریج مكه و استانبول قضا و اناطولی و روم+ایلی قاضیعسكرلكلریله بكام بیورلدیغی حالده ١٥٩(١٥٩٩ م و ١١٠٧ ه) تاریخنده وفات ایلدی. فاضل مومی الیه مواهب لدنیه+یی ترجمه ایله (معالم الیقین) تسمیه ایلدیكی كبی قطب مكینك (الا علام فی احوال بلدة الله الحرام) نام كتابنی دخی تركجه+یه ترجمه ایتمش و حضرت خالددن مروی اولوب الان تربۀ شریفۀ مشار+الیهده رحله آرای تعظیم اولان احادیث نبویه+یی جمع ایلمشدر.