باقون —
انكلیز راهیبلرندن معارفمند بر ذاتك اسمیدر. بو آدم زماننده موجود اولان علومك كافه+سنی و باخصوص علم حكمتی كاملاً تحصیل ایدوب اقراننه فائق اولدی لكن اخلاق سیئه+لرینی یوزلرینه اوردیغی آدملر وعلم و فضلنه حسد ایدن حاسدلر اتفاق و سحربازدر دیو اتهام ایدوب حبسه قویدردیلر بیچاره عمرینك قسم اعظمنی حبسخانه+ده كچوردكدنصكره (قله مان) نام پاپانك زماننده یقایی قورتاردیسه+ده آره+دن چوق كچمكسزین ینه اعداسنك شرینه اوغرایوب اون سنه داها حبس اولندی. مومی الیهك ضیا و علایم السما و طوپ باروتی و پرتوریز و دوربین و هوا طلومبه+سی حفنده خیلی مطالعات و اخبارات و اختراعاتی واردر و بعض فنونده نظریاتی تطبیقات و تجاریب ایله اثباته مقتدر اولمش و تقویمی اصلاح ایتمشدر آخر عمرنده علم كیمیا و نجومه دخی هوس ایتدیسه+ده (١٢٤٠ م و ٦٣٨ ه) ده تاریخنده وفات ایلدیكندن اكمالنه موفق اوله+مامشدر.