) باقلانی —
ابو بكر الباقلانی حضرتلری كبار متكلمیندندر و مسقط رأسی (بصره) اسمی (محمد بن طیب)در بو ذات دائما بغدادده ساكن اولور و مذهب اشعریه+یه سالك اولدیغندن او مذهبی تأیید بیورر ایدی. قاضیلكی دخی واردر و متكلمینك یوزینی بو ذات آغرتمشدر زیرا قرق سنه مناظره ایله اشتغال ایتمش ایدی. علم کلام و غیریده پك چوق تصنیفاتی واردر و (اعجاز القرآن) و (الانتصار) و (كشف اسرارالباطنیة) و (الملل والنحل) و (هدایة المستر شدین) نام كتابلر دخی جمله تصنیفاتندندر مشار الیه (عضدالدوله) طرفندن ایلچیلك ایله دیار رومه كوندریله+جكی زمان فضل و كمالی دیار رومده خبر الندیغندن اكر بو ذات كلور ایسه حضور ایمپراطوری+یه كیرركن اوطه قپوسنده اكیلمك عادتمزی اجرا ایتمز و جبر ایتمكده ایشیمزه الویرمز باری اوطه+نك قپوسنی كوچلته+لم+ده اكملكه مجبور ایدە+لم دیو قپویی آلچاتیرلر مشار الیه كلوب حضور ایمپراطوری+یه كیرە+جكی زمان قپونك مخالف قاعده آلچاقلغنی كوردیكی كبی كندوسنك اكیلمسی ایچون مخصوصاً یاپلدیغنی درحال حس ایدرك آرقه آرقه كیروب ایمپراطور و قرنه+سنی حیرتده قور. وفاتی (١٠١٢ م و ٤٠٣ ه) تاریخنده و قبری بغدادده+در