پافلاغونیا —
قسطمونی ولایتی و حوالیسندن عبارت اولان بر حكمدارلغك اسمیدر. اماصری و كنغری و سینوب سنجاقلری حكمدارلق مذكورك باشلیجه ممالكندن ایدی. بوراسی بر مدت فرس و روما دولتلری زیر حمایه+سنده بولنوب ٥٥١٣ خ) تاریخنده یعنی میلادك سكسان بر سنه) مقدمنده طوغریدن طوغری+یه روما دولتی اداره+سنه کچمش و ینه ایرانیلر آلوب صكره سلچوقیلره انتقال ایتمش و بكلك اوله+رق مدت مدیده اداره اولنمشده. قسطمونی بكی طوپال بایزیدك(١٣٩٢ م و ٧٩٥ ه) تاریخنده جار قرالی (سیرشموند) و افلاق ویوده+سی (پترو میرچه) ایله دولت علیه علیهنه اتفاق ایتدیكی و اناطولیدن و روم ایلیدن همان محاربه+یه باشلایوب دولت علیه+یی محوه قرار ویردكلری یلدیرم (سلطان بایزید) حضرتلرینك مسموعی اولدیغی كبی نیكبولیدن همان حركتله كیدوب ابتدا افلاقلولری تأدیب و ویركولرینی تزیید ایلدكدن صكره اناطولی+یه دخی كچوب ایاغی توزیله طوپل بایزیدی برباد و ملكنی ممالك دولت علیه+یه الحاق ایلدی (قسطمونی) كلمه+سنه دخی نظر بیوریله