)باغچه سرای —
قریم شبه جزیره+سنده و سیواستپول ساحلنك تقریباً یكرمی بش میل ایچروسنده اون بیك نفوسی جامع بر شهردر. بو شهر وقتیله قریم خانلرینك مقر اداره+سی ایدی حتی سرایلری شهرك وسطنده اولوب اتصالنده ایكی مناره+لی بر جامع شریف موجوددر و بوندن بشقه اوتوزدن زیاده جوامع و مساجدی و خانان زماننده یایلمش بهری اوچر دردر یوز طلبه آلور اوچ عدد مدرسه+سی واردر و بو مدرسه+لرده الیوم قیش كونلری بشیوزدن متجاوز طلبه درس اوقومقده+در شهرك شرق طرفنده هرسنه اغستوسك اون بشنده (حضرت مریم) نامنه بر جمعیت یاپیلور و بو جمعیته ایچرولردن خیلی زوار كلور. باغچه سرایك اوسترە+سی وقتیله پك مشهور ایدی