لغات تاریخیه و جغرافیه

Lugat-ı Tarihiyye ve Coğrafiyye

باعوباب

Baobab

باعوباب — كرۀ ارض اوزرنده نشو و نما بولان اغاجلرك اك جسیمی و اك چوق یشایانیدر. بو اغاج افریقا قطعه+سنك بعض نواحیسنده و خصوصیله (سنغال)ده نشو و نما بولمغله اهالیسی مقدس عد ایدرك طاپینور كبی حرمت ایدرلر. شجر مزبورك یپراقلری قلب شكلنده وچیچكلرینك رنکی ارغوانی و رایحه+سی غایت لطیفدر و كودە+سنك محیطی یتمش سكسان قدمدر بیوك داللرینك التنده سپت كبی اصیلو برچوق قوش یوالری بولنور و دوه قوشی جسامتنده اولان قوشلر اشبو یوالرده یاورولار نباتیونك خبر ویردكلرینه كوره شجر مزبورك بیوك داللری اوروپا قطعه+سنده بولنان اك بیوك اغاجلره معادل اولوب مذكور داللرك مجومی بر یره دیكلمش اولسه عادتا بر اورمان تشكیل ایده+بیلور و سكز یوز یاشنه قدر بیویوب اندن صكره بیومكدن قالور و میمون اتمكی دنیلان میوه+سی جنسنه كوره یا یصی و یاخود یوارلاق و آبدار و صاریجه و سونكر كبی اولور سنغال اهالیسی قابوغنی سحق ایدرك سائر بهار كبی یمكلرینك اوزرینه اكرلر و شدت حرارتدن حاصل اولان ترلرینی منع ایتمك ایچون اشبو قابوغك مسحوقیله وجودلرینی اوغارلر و آریلر كوكلرینی قوغان اتخاذ ایتملریله غایت لذیذ بال حاصل ایدرلر و كوكلرك اراسنده ایكیوز كشی آله+بیله+جك قدر كهفلر اولدیغندن اهالی بورالی هوالرده اشبو كهفلره صوقیلورلر و بعضاً مشورت ایچون اجتماع و اکثریا مزارلق اتخاذ ایدرلر. (پروله) نام حكیم اشبو اغاجلرك ایچنده التی بیك سنهسنه+لكه قدر اغاج بولندیغنی فناً اثبات ایتمشدر.