ابن الفارض — كبار اولیاء اللهدندر و مسقط رأسی مصر
اسمی عمر کنیه+سی ابو حفصدر. بو ذات عالیقدرك درجه كمالی حقایق
علوم دینیه و معارف یقینیه+یی و احوال سیر سلوكی جامع اولان و یدییوز
اللی بیتدن عبارت بولنان قصیدۀ تائیه+سندن اكلاشیلور مشارالیه بو قصیدۀ
شریفه+یی تكمیل ایتدكدنصكره عالم معناده علیه الصلاة والسلام افندمزه
تقدیم ایتدی وانلر دخی ممنون اوله+رق (نظم السلوك) تسمیه بیوردی ویا ابن
الفارض سنك انتسابك كیمه+در دیو سؤاللرینه بنم انتسابم بنی سعده+در جوابنی
ویردكده علیه الصلاة والسلام افندمز (لابل انت منی و نسبك متصل بی)
بیوردی.
قصیدۀ مذكوره+یه شویله بدأ ایدر
بیت
سقتنی حمیا الحب راحته مقلتی
وكاء سی محیا من عن الحسن جلت
بوندن بشقه بر قصیدۀ تائیه صغراسی و برده مكمل و مرتب دیوانی واردر
و بالاده بیان اولنان قصیدۀ تائیه كبراسنه مولانا عبدالرحمن جامی حضرتلرینك
فارسی العباره یازدیغی شرح بین المتصوفین غایت مقبول و معتبردر و داود
قیصری و فرغانی حضراتنك یازدقلری شرحلر دخی مكمل اولوب فرغانینك
شرحی طبع اولنمشدر.
مصر اهالیسی (ابن الفارض) حضرتلرینك پك چوق كراماتنی كوردی.
و (١٢٣٤ م و ٦٣٢ ه) تاریخنده وفات ایتدكده ظهور ایدن عجایبات هركسی حیرتده قودی