پاسقووینج باخود (پاسكوویج) —
روسیه جنراللرندندر. بو ذات (١٨٢٧ م و ١٢٤٣ ه) تاریخنده روان و بعض اذربایجان ممالكنی ایران دولتندن حرباً ضبط ایلدیكیچون (روانسكی) عنواننی الدی و ایكی سنه صكره دولت علیه+دن (اخلكلك) و (قارص) و (ارضروم) سنجاقلرینی دخی استیلا ایدرك دولتنه ادرنه معاهده+سنی قزاندیروب (فلد مارشال) رتبه و عصاسنی ایدندی و (١٨٥٤ م و) تاریخنده (پولونیا) اختلالنی تسكینه موفق اولدی و (١٨٥٤ م و ١٢٧١ ه) تاریخنده دولت علیه ایله محاربه ایدركن سلسترە+ده یاره+لنه+رق كیرو چكلدكدن ایكی سنه صكره وفات ایلدی