لغات تاریخیه و جغرافیه

Lugat-ı Tarihiyye ve Coğrafiyye

پاسقالیه

Paskalya

پاسقالیه — خرستیانلرك اعتقادنجه پاسقالیه حضرت )عیسی) علیه+السلامك صلب و دفنندن صكره قبردن قیامی كوننی تخطر ایچون وضع اولنمش بر بیرامدر پاسقالیه نامی عبرانیجه مرور معناسنه اولان (پاسشا)دن مأخوذ اولوب بو دخی یهودیلرك مصردن خروج و بحر احمردن مرور ایتدكلرینه تشكراً یاپدقلری بیرام مناسبتیله قبول اولنمشدر. پاسقالیه+نك كوننی تعیین ایچون مقدما پك چوق اختلاف و قوعبولوب نهایت ٣٢٥ م تاریخنده ازنیقده تشكل ایدن مجلس رهابینده الیوم اجرا اولنان كونده یاپلمسنه قرار ویرلدی شویله كه یهودیلرك خمیرسز یعنی خروج بیرامنك اجرا اولندیغی شهرده قمرك بدرندن صكره كلان پازار كوی باستالیه اعتبار اولنور. پاسقالیه كوننی دیكر صورتده دخی بولمق كن اولور یعنی هر سنه مارت ایچنده واقع شهر قمرینك اون بشنجی كونندن صكره كلان صالینك التنجی پازار كونی پاسقالیه+در دنیلور ایسه+ده بعض سنه+لرده اورتودقسلر ایله لاتینلرك بیننده بر اختلاف و قوعبولور لاتینلر بدر جمعه ایرتسی اخشامی اولورایسه ایرتسی پازار كونی پاسقالیه+یی یپارلر و اورتیدقسلر بر هفته صكره+کی پازار براغورلر. حضرت (عیسی) علیه+السلامه مخصوص و پاسقالیه حسابنه تابع اولان یورطیلر ایچون یورطی كلمه+سنه مراجعت بیوریله