بازیل —
روم كلیساسی پاپاسلرندن بر مشهور ذاتدر. بو آدم قپادوقیاده واقع قیصریه شهرنده دنیایه كلوب استانبول و اطنه+ده تحصیل كمال ایدرك پطریق (غراغوار دوناز یانز) و پرنس (ژولین)ك حسن توجهنی قزاندی و قیصریه+ده بر مدت تدریس و تعلیم و وعظ و نصیحت ایله اشتغال ایلدیكندن كركی كبی شهرت بولدی و اندن صكره یشیل نهر اوزرنده واقع خلوتخانه+سنده انزوایه قالقشدیسه+ده قیصریه پسقپوسلغی توجیه اولندیغندن ینه تعلیم و تدریسه و ظهور ایدن روافضی مدافعه+یه همت ایلدی. ایمپراطور (والانس) اولوقت ظهور ایدن (اریوس) مذهبنی قبول ایچون مومی الیهه جبر ایتمك استدیسه+ده پك چوق ایلرویه كیدە+مدی. نفینه قرار ویرمش ایكن تأخیر ایلدی. وفاتی (٣٧٩ م تاریخندە+در مذهب خرستیانیه+یه پك چوق خدمتی سبقت ایلدیكیچون هر سنه حزیرانك اون دردنجی كونی یورطیسی طوتیلور.
مومی الیهك عقائد خرستیانیه+یه و وعظ و نصیحته و روافضی رده دائر خیلی تألیفاتی و مكتبلری و دنیانك التی كونده خلق اولندیغنه دائر بر كتابی واردر. دینه متعلق اولمیان بعض كتابلری فرانسزجه+یه ترجمه اولنمشدر.