پازواند اوغلی —
روم ایلی دره بكلرندندر و مسقط رأسی (ودین) اسمی عثماندر. دولت علیه ودین و حوالیسنك اعدادن محافظه+سنی كندوسندن مأمول ایدركن مرقوم سایه شاهانه+ده مالك اولدیغی نفوذ ًو اقتداری سوء استعمال و عصیان ایدرك اولحوالی+یی كاملا ید ضبطنه الدی
(١٧٩٧ م و ١٢١٢ ه)
تاریخنده بلغراددن وارنه+یه و نیشدن صوفیه+یه
قدر بتون ممالك اهالیسنی استر استه+مز كندوسنه طرفدار ایتدی. و دولت علیه غوائل اجنبیه ایله مشغول اولدیغی بر زمانده مرقومك اوزرینه دخی برقاچ دفعه اردولر كوندرمكه مجبور اولدیسه+ده غلبه ممكن اوله+مدیغندن ینه عفو و ابقا ایدلدی. اشبو پازواند اوغلی بوندن اول و صكره برقاچ دفعه دها عصیان ایتمش و كیمی نصیحتله برطرف اولوب كمی محاربه+یی نتیجه ویرمش اولدیغندن یوزندن برقاچ یوز بیك اهل اسلام تلف اولمشدر. پازواند اوغلنك پدری پازواند عمر اغا زنكین و معتبر بر آدم اولدیغنه بناء بر صدراعظم مالنه طمعاً اعدام ایلدیکی صرە+ده اوغلی مرقومك طاغلره فرار ایلدیكی و باشنه عسكر طوپلایوب اوزرینه كلنلری مدافعه ایتدیكی (١٨٠٧ م و ١٢٢٢ ه) و تاریخ وفاتی اولان ودین و حوالیسنی نیم استقلال ایله اداره ایلدیكی بعض تواریخده كورلمشدر