لغات تاریخیه و جغرافیه

Lugat-ı Tarihiyye ve Coğrafiyye

بازان

بازان — عصر جناب پیغمبریده ایران شاهی بولنان (خسرو پرویز) طرفندن یمن والیسی ایكن مرقوم خسروك قتلیچون اوغلی (شیرویه) طرفندن ترتیب اولنان اختلالك ظهورینه و خسروك قتل اولندیغنی علیه الصلاة والسلام افندمز او كون خبر ویرمك كبی بر معجزه باهرە+یی كوردیكنه بناء شرف اسلامله مشرف اولمش و جانب سنی الجوانب پیغمبریدن ینه یمن والیلكنده ابقا بیورلمش بر ذات عالیقدردر. مومی الیه یمنده پك كوزل خدمت ایتدی. و اورالره مستولی اولان حبشیلری طرد و دفعه موفق اولدی. وفاتندن صكره مخدومی (شهر) دخی صنعا والیسی تعیین بیورلدیسه+ده معهود (اسود)ك یدیله شهید اولدیغندن علیه الصلاة والسلام افندمز دخی اسودك اخذ و قتلیچون فرمان كوندردی. (اسود) كلمه+سنه دخی مراجعت بیوریله اصحاب كرامدن (فیروز الدیلمی) حضرتلری مومی الیه (بازانك) برادرزاده+سی ایدی