لغات تاریخیه و جغرافیه

Lugat-ı Tarihiyye ve Coğrafiyye

پاریس

Paris

پاریس — جماهیر یونانیه+دن حالا اسكی استانبول دنیلان (ترووا) حكمداری (پرییام)ك مخدوم و ولی عهدیدر. پدری بونی بر مصلحت ضمننده جماهیر مذكوره+دن (اسپارت) حكمداری (منه+لاس)ه كوندرمش و (منه+لاس) دخی نزدنده توقیف ایدوب اولادی كبی حرمت و رعایت ایتمش و اوزاق بر محله كیدركن قائمقام كبی براقمش ایدی. بو نازنین حرمت مزكورە+یه مقابل صداقت ایتمك لازم کلرر ایكن مرقوم منه+لاسك زوجه+سی (النی)یی اغفال ایدرك ترووایه قاچیردی بیچاره منه+لاس عودتنده كیفیتی خبر الدیغی كبی عقلی باشندن كیدوب وقوع حالی جماهیر یونانیه+نك كافه+سنه بیلدیردی جماهیر مذكوره حكمدارلر بو كیفیتدن زیادە+سیله غضبلنوب همان ترووا حكمداری علیهنه اتفاق ایتدیلر و(٤٣١٤ خ) تاریخنده یعنی میلادك ایكیوز سكسان سنه متدمنده متفقاً محاربه+یه باشلایوب تمام اون سنه+ده تكمیل ترووا حكومتنی مضمحل و ملكنی خاكله یكسان ایلدیلر. اشبو (ترووا) محاربه+سی تواریخجه پك مشهور اولوب ایکی طرفدن برچوق انسان تلف اولمش و تسالیا قرالی (آشیل) و محاربه+یه سبب اولان مرقوم پاریس و (منه+لاس) آخرته كتمش و قورتیلوب عودت ایدن حكمدارلرك وروسانك هربری بر فلاكته اوغرایوب لذائذ مظفریت برونلرندن كلمشدر.(ایدومنه) و (اولیس) كلمه+لرینه دخی مراجعت بیوریله