لغات تاریخیه و جغرافیه

Lugat-ı Tarihiyye ve Coğrafiyye

بارون / فارون

Baron

بارون — یاخود (فارون) — نجابت معناسنه اوله+رق اوروپا قرال و ایمپراطورلری طرفندن بعض معتبرانه ویریلور بر عنواندر. بونك المانجه سربست كلمه+سندن یاخود لاتنجه اركك كلمه+سندن مشتق اولدیغی روایت اولنیور ظهوری التنجی عصردن صكره اولوب اولوقندنبرو اسقفلردن و قونت و دوقلردن حقوق مالكانه+لرینی کماهو حقها ایفا ایدنلره ویریلور ایدی. بو عنوان اون برنجی و اون ایكنجی و اون اوچنجی عصرلرده پك زیاده رونق بولوب قرال زاده+لرك سائر عنوانلرینه ترجیح اولنور راده+یه واردی. (بارونه) عنوانی انكلتره+ده (١٦١١ م و ١٠٢٠ ه) تاریخنده برنجی (ژاق) طرفندن ایجاد و بعض معتبران و زادكانه اعطا اولندی فقط بونلر کلمۀ مذكوره+نك اوكنه بر (سیر) لفظی دخی علاوه ایتدیلر و ابتدا آلنور صاتیلور ایكن صكره مجاناً ویرمكه باشلادیلر ممالك شرقیه+ده بولنان معتبر ارمنیلر دخی بینلرنده (بارون) عنواننی استعمال ایتمكده+درلر