لغات تاریخیه و جغرافیه

Lugat-ı Tarihiyye ve Coğrafiyye

بارومترو

Barometro

بارومترو — كرۀ ارضی محیط اولان هوانك تضیقنی ارائه ایدر بر آلتدر لسانمزه ترجمه اولندیغی حالده (میزان الهوا) دیمك لازم كلور بارومترو (تورچیللی) نام حكیمك بعض تجاریب اثناسنده استعمال ایلدیغی شیشه بوری دروننده+كی جیوه+نك ارتفاعی اساسی اوزرینه مبنی ایسه+ده شیشه بورینك شكلی تبدل ایتمسیله بارومترونك نوعی دخی تعدد ایتمشدر انواع مذكوره+دن بری (چناقلی) و دیكری (سیفونلی) و اوبری )قادرانلی)در. چناقلیسی عادیسی اولوب بوده سكسان بش سانتیمترو طولنده بر شیشه انبوبه ایچی جیوه ایله طولی اولدیغی حالده (چناق) دنیلان و آنك+ده ایچی جیوه ایله طولی اولان بر قابه باتیریله+رق ایكیسی برلكده اخشابدن برلوحه+یه ربط اولنور و تقسیماتنك صفر نقطه+سی قابده واقع جیوه+نك سطحندن اعتباراً شیشه انبوبه+نك رأسنه طوغری میلیمترو تقسیماتلی بر مقیاس علاوه قلنور و بو تقسیماتدن تضییق هوانك قاچ درجه اولدیغی بیلنور لكن بو نوعنك استعمالی محذوردن سالم اولمدیغیچون اصلاح اولنمش اولان دیكر نوعلرندن تدارك اولنملیدر. تعرفه فرانسز بارومتروسنك تعرفه+سی ١ ابره یتمش یدی+یه كلور ایسه — دائمی صورتده كوزل هوا و فرشقه روزكار ٢ ابره یتمش التی+یه كلور ایسه — یاز و قیش آز و چوق یاغمور ٣ ابرە+نك سرعتله صعود و نزولی — بوزوق و فورتنه+یه اشارت ٤ آز وقتده چوق كره اشاغی و یوقاری حركتی — برقاچ كره هوانك تبدلنه علامت ٥ ابره هوانك عفونتی اثناده زیاده تنزل ایدر ایسه — یاغمور ایله روزكارك برابر ظهورینه علامت ٦ بارومترونك نزولیله برابر یاغمور دخی ظهور ایدر ایسه — یاغمورك چوق سورمیه+جكنه اشارت ٧ فورتنه اثناسنده جیوه یوقاری چیقوب برقاچ كون او حذاده طورر و هوا ساكن اولماز ایسه — بعده هواده حاصل اوله+جق كوزللكك خیلی مدت دوامنه اشارت ٨ بارومترونك صعودیله برابر هوا كوزللشور ایسه — او كوزللكك آز سوره+جكنه اشارت ٩ یازین فورتنه و یاغمور اثناسنده جیوه آهسته صعود ایدر ایسه — هوا كوزل اوله+جق ١٠ جیوه نزول ایدوب براز مدت او حذاده طوردقدن صكره بردن بره صعود ایدر ایسه — قریب اولان قطب جهتندن شدید فورتنه كلور ١١ جیوه ننول ایتدیکی حذاده بر مدت قراردن صكره صعود ایتمیی تكرار براز دها ننول ایدر ایسه — روزكار خفیف اولدیغی حالده شماله دونه+جك و براز یاغمور یاغه+جق ١٢ كوزل هواده بارومترو ایكی اعشار قدر تنزل ایدر ایسه — آزاجق یاغمور اشبو بارومترو عرضلرك اقتضای حكمی اوزره تخلف ایدر ایسه+ده بو دخی مضبوطدر