لغات تاریخیه و جغرافیه

Lugat-ı Tarihiyye ve Coğrafiyye

بارنابه

Barnaba

بارنابه — اصحاب یسوعدن بر محترم ذاتدر. حضرت عیسی علیه+السلامدن صكره (بلوس)ك درس شاكردی اولدیغی حالده دین عیسی علیه+السلامی قبول و مومی الیه ایله سیاحت و بر انجیل تحریر ایدوب ٦٣ م) تاریخنده قیریسده وفات ایلدی. بونك یازدیغی انجیل اكرچه اناجیل اربعۀ موجوده+دن دكل ایسه+ده مندرجاتی قرآن قریمك مزایای منیفه+سنه مطابقدر و دها برچوق رساله+لری واردر ومومی الیه خرستیانلر بیننده ایتالیاده كائن (میلان) كلیساسنك رسولی طاننمقده و هر سنه حزیرانك اون برنجی كونی یورطیسی طوتلمقده+در انجیلك زیلنده رسوللرك اعمالی صرە+سنده اون اوچنجی بابده مومی الیهك احوالنه دائر بعض معلومات كورلدی لكن اوراده (بارناباس) دیو محرردر