پارغه —
یانیه ولایتی داخلنده و یانیه شهرینك جنوب غربیسنده و سكسان كیلومترو بعدنده پروزه سنجاغنه ملحق بر قضا مركزیدركه قورفو اطه+سی پارغه ساحلنك قارشوسنه دوشر پارغه+نك ایج قلعه+سی بر قیا اوزرینه مبنی اولدیغندن غایت مستحكم و بغچه+لری منتظمدر و اهالیسی درتبیكدن زیاده+جه+در. اشبو اهالی بر مدت سربست اولارق
یشایوب (١٨١٤ م و ١٢٣٠ ه)
تاریخنده تپه دلنلی علی پاشا محاصره ایدركن انکلیزلر اهالی+یه اعانه ایدرك كلوب علی پاشایی دفع ایلدیلرسه+ده كندولری ایچندن چیقمق استه+مدیلر لكن علی پاشانك درلو درلو دسایس و دوستلق
یوزندن تضییقاتنه تحمل ایده+میوب بش سنه صكره بر مقدار بدل ایله صاته+رق چیقدیلر كتدیلر. پارغه+نك هواسی غایت لطیفدر و بوراده حاصل اولان و كتره دنیلان بر نوع اغاج قاووننی یهودیلر حسب الدیانة بیراملرنده بولندیرمغه مجبور اولدقلرندن اهالی بوندن پك چوق استفاده ایتمكده+در.