پارس —
فرانسه دولتنك پای+تختی و سن ایالتنك مركزیدر
)سن نهری بو شهر جسیمك اورته+سندن كچر و تشكیل ایتدیكی (لوتس) و (سن لوی) نام اطه+لردن لوتس اطه+سی اوزرنده اولان (سپته) موقع مشهور و معموری شهری آشوری تزیین ایلر. و دروننده بر ملیون التی یوز بیك نفوس توطن ایدر و سكز قول شمندوفر ایشلر. پارسك ) توئیلری) و (الیزه) و (لوور) و (پاله روایال) سرایلری و شهر امانتی و بلدی دائره+لری و (لوقسانبورغ) سرای و بغچه+سی و محلات بغچه+لری و قشله+لری پك منتظم و مزیندر و (قولون توزیه) طاق طفری و برنجی ناپولیونك (واندوم) میداننه ركز اولنان عمود عظیمی اوزرنده+كی توجدن معمول هیكلی و (نوتردام و سن ژرمن) معبدلری و (سن ژاق) قله+سی عجایباتدندر و هر نوع علوم تحصیلیچون دوائر متعدده و مكتبلر و مدرسه+لر و اصلاحخانه+لر موجود اولدیغندن طلبه علوم ایچون پك چوق قولایلقلر حاصل اولمش و جسیم و منتظم كتبخانه+لر عموم ایچون هركون آچیق بولنمشدر حتی كنج و توانا اعمالر و دلسز و صاغرلر ایچون بیله مكتبلر و غربا ایچون خسته خانه+لر واردر وعموم پارس شهری یكرمی دائرە+یه منقسم اولوب هر دائره درت محلدن عبارتدر. پارسده هر كون اوچیوزدن زیاده غزته چیقار. )پارس) شهری رومالولرك ید ضبطنه كچمزدن اول (لوته سیا) نامیله یاد اولنور ایدی مؤاخراً (قونستانس قیلور) شهر مزبوره الیوم خرابه+سی )ته رم) نامیله مشهور و مشهود اولان قصری یاپدیردی و ایمپراطور )ژولیه+ن) ٣٦٠ م تاریخنه قدر پارسده توطن و ایمپراطورلغنی اوراده اعلان ایلدی و (شارلمان) زماننده بر قونتلق مقری اولدی. اوروپاده برنجی دفعه یكرمی بیك شاكردی جامع اوله+رق یاپیلان مكتب پارس مكتبیدر و پارلمنتو (فلیب لوبل) زماننده پارسه نقل اولنمشدر. پارس بر مدت منبع اختلالات اولدقدن صكره (١٣٢٠ م و ٨٢٣ ه) تاریخنده انكلیزلرك یدینه كچوب اون التی سنه صكره ینه استرداد اولندی و دردنجی هانری و اون دردنجی لویی زمانلرنده ظهور ایدن اختلالات و مقاتلات اوزرینه (١٧٨٩ م و ١٢٠٣ ه) تاریخنده سرای و مركز حكومت و رسایله قالدیرلدی و اون بشنجی لویی زماننده پارسده مكتب حربیه و طبیه و حقوق
ومعادن و ضربخانه تأسیس اولندی و ظهور ایدن بیوك اختلال خیلی زمان سوردكدن و قونسللر اداره+سنه كچدكدن صكره (١٨١٥ م و ١٢٣١ ه) تاریخنده ناپلیون پارسه داخل اولدی و برقاچ سنه جمهوریت اختلالاتی دخی دوام ایدوب المانلرك اردوسی یوز اوتور بر كون محاصره ایتدی و (١٨٧١ م و ١٢٨٨ ه) تاریخنده قومونیست اختلالی چیقوب نهایتنده حكومت عوام ظهوره كلدی.