لغات تاریخیه و جغرافیه

Lugat-ı Tarihiyye ve Coğrafiyye

پارسا

Pârsâ

پارسا — كبار مشایخ نقشیبندیه+دندر و مسقط رأسی (بخارا) اسمی (محمد بن محمد بن محمود)در بو ذات عالیقدر خواجه )محمد بهاء الدین) نقشبند حضرتلرینك اخص اصحاب كرامندن ایدی. خواجه مشار الیه حضرتلری آخر عمر شریفلرنده امانت ارشادی بونلره. تفویض ایدوب بزم ظهوریمزدن مقصود خواجه محمد پارسا حضرتلرینك وجودیدر بیورمشلردر و بر محلده (برخ) صفتنی موهبت نظریله بونلره كرامت ایلشلردر. قصۀ برخ قوت القلوب نام كتابده محرر اولدیغندن اورایه مراجعت بیوریله حضرت پارسا حج شریفه كیدوب مدینه منوره+ده (١٤١٩ م و ٨٢٢ ه) تاریخنده وفات ایلدی و بعده وفاته ثمرۀ شجرۀ ولایتلری و مخدوم عالیلری (ابونصر پارسا) حضرتلری مقام خلافته كچدی. منقولدركه محمد پارسا حضرتلری خواجه بهاءالدین حضرتلرینك آستانه+سنه كلوب قپودن طیشاروده اشارته منتظر طورمقده ایكن خواجه حضرتلری طیشاروده طوران كیمدر دیو بر قیز چوجغنه سؤال بیوروب قزجغز دخی ًبر جوان پارسا جوابنی ویرمش اولدیغندن مشار الیهه تبركا پارسا نامنی ویردیلر.