لغات تاریخیه و جغرافیه

Lugat-ı Tarihiyye ve Coğrafiyye

پارتی دوبل

پارتی دوبل — فن دفترینك اصول مضاعفه دنیلان نوعیدر بو یولده معامله ایده+جك بر تاجر یومیه دفتری نامیله بر دفتر طوتوب حسابه متعلق كافه معاملات یومیه+سنی كونی كوننه صره و تاریخلریله قید ایدر و بوندن بشفه برده دفتر كبیر طوته+رق دروننده نقود ایچون (قاصه) امتعه ایچون (مغازه) دینه دائم ویردیكی سندات ایچون (دین سنداتی) مطلوباتنی مبین آلدیعی سندات ایچون (مطلوب سنداتی) كار و زیان ایچون (كار و زیان) ناملریله و ایجابنه كوره دها سائر ناملرله حسابلر آچوب مغازه+یه داخل اولان هر بر معاملاتده اشبو حسابلری بورجلی و مغازمدن چیقان معاملاتده الاجقلی ایدر زیرا بونده دائما بری ویریجی دیكری آلیجی ایكی شخص فرض و ویرن الاجقلی و الان ویره+جكلی عد اولنور. مثلا تاجر بدلنی پیشین ویرە+رك بر مال آلمش اولسه بدل مذكور قاصه+دن چیتمش و آلدیغی مال مغازە+یه كیرمش اولدیغندن بدل مبیعی درحال مغازه حسابنه ایراد و قاصه حسابنه مصرف قید ایتمك و وعدۀ معینه ایله یرینه مال صاتوب بر سند آلسه مغازه+دن مال چیقمش و بدلی هنوز النمامش اولدیغندن مال مزبورك بدلی دفترده+كی (مطلوب سنداتی) حسابنه ایراد و مغازه حسابنه مصرف قید ایدلمك لازم كلور و اچلمش اولان حسابلرك هر بری صاغ صحیفه ایراده و صول صحیفه مصرفه مخصوص اولمق اوزره قارشولقلی طوتیلور و هر معامله یومیه دفترینه یازلدیغی انده بو دفتره دخی تاریخ و نمروسیله كچوریلور شویله كه مثلا یومیه دفترنده مغازه حسابنه ایراد و حسین افندی+یه مصرف یازیلی اولان درت بیك بشیوز غروشی دفتر كبیره نقل ایدركن مغازه حسابنك ایراد جهتنه درت بیك بشیوز و حسن افندی حسابنك مصرف جهتنه ینه درت بیك بشیوز غروش یازیلوب كیفیتی و تاریخ ونمروسی خداسنه اشارت ایدیلور و هر آی نهایتنده یومیه دفترنده محرر مبالغی و دفتر كبیرده آچیلان حسابلرك ایرادلرینی بشقه و مصرفلرینی بشقه یكون ایدرك بر موازنه یاپیلوب اشبو اوچ یكون بربرینه موافق كلور ایسه حسابك طوغری و كلمدیكی حالده یاكلش اولدیغی اکلاشیلور و تصحیح ایچون حك ویا یكونلری تغییر لازم كلمیوب سهو اولان مقداری حین موازنه+ده آیرلمق اوزره آچیله+جق حساب مخصوصنه قید ایدیلور و كار و زیانی اكلامق ایچون دخی سنه+ده یاخود التی آیده بر دفعه حسابلرك كافه+سی قپادیله+رق بر اجمال تنظیم قلنور