پارت —
عجمستانك شرق و شرق شمالی جهتلریله (طبرستان و (خراسان) و بعض ممالك ایرانیه+یه وقتیله مستولی اولان اهالینك نام عومیسیدر. بونلرك ساكن اولدقلری ممالكه (پارتیا) دیدكلری كبی تواریخده ملوك (كیانیه) و (اشكانیه) و (ساسانیه) ناملرینی الان حكمدارینه دخی بر زمانه قدر پارتیا حكمدارلری دیرلر ایدی. بوللرك مملكتلری پك چوق انقلابه اوغرادی و سلوسیدلرك و سامانیلرك تحت تصرفنده ایكن بخارا و اسیای صغرا و تركستان كبیره قدر وسعت بولدی. پارتلرك دین مجوس و مذهب زردشتی اوزره اولدیغی و من جهةٍ (هون) طائفه+سنه منسوب بولندیغی دخی بعض تواریخده مذكوردر.