باراتیه —
فرانسه+لی بر چوبانك اوغلیدر. بو چوجق (١٧٢١ م و ١١٣٤ ه)
تاریخنده دنیایه كلوب درت یاشنه بالغ اولدقده فرانسزجه+یی و المانجه+یی و بش یاشنده لاتینجه+یی و یدی یاشنده لسان یونانیه و عبرانیه+یی تحصیل ایله برابر كتابلرینی مطالعه و استخراجه باشلادی و اون یاشنده ایكن خرستیان و یهود كتابلرنده كوردیكی بعض مسائلی تدقیق ایدرك برقاج جلد كتاب یازوب اندن صكره علوم ریاضیه و فلكیه+یه حصر اوقات ایلدی و علوم مذكوره+ده برچوق مسائل مشكله+نك حلنه موفق اولدی و دكزلرك طولنی تعین ایچون بر قاعده بولدی و علم حقوق و ادبیاتده اولان كمالنی دخی تحریراً عرض ایدە+جكی اثناده خسته+لنوب اون طقوز یاشنده وفات ایلدی. شوراسی غریبدركه بر چوجق جاهل بر پدرندن بشقه هیخ بر خواجه اوكنه اوتورمامشدر