پاراتونر —
كرۀ ارض ایله بلوطلرده موجود اولان مختلف الاجناس الكتریقلرك اتحادینه سهولت ویرر بر آلتدركه لسانمزه ترجمه اولندیغی حالده (وقایه رعد) یاخود (صاعقه سپری) دیمك لازم كلور. پاراتونر (دكنك) و (مجرا) ناملریله ایکی قسمه منقسمدر و دكنك قسمی حدیدن مصنوع ٦: ٩ مترو طولنده و طرف فوقانیسی غایت سیوری و قاعده+سی ه ویا ٦ سانتیمترو مربعنده بر قالین تلدن عبارتدر و بوتلك محافظه اولنه+جق ابنیه+نك و خصوصیله جبه خانه+لرك یوكسك بر محلنه یاخود یقیننه دیكلمش بر اخشاب دیرك اوجنه مربوط بولنمسی لازمدر و مجرا
قسمی دخی حدید یاخود باقردن شرید شكلنده مصنوع بر تلدن عبارتدر و بو تلك دخی بر اوجی ذكر اولنان دكنكه مربوط اولمسی و دیكر اوحی بش ویا التی مترو عمقنده بر قویویه صالیویرلمسی و جریان الكتریقه سهولت ویرمك ایچون قویوتك ایچنه كمور توزی طولدیرلمسی اقتضا ایدر. (پاراتونر) ارتفاعنك ایكی مثلی قطر ایله رسم اولنان دائرە+نك داخلنی صاعقه نزولندن محافظه ایدر لكن حفظ ایدیلان ابنیه+نك خارجنده معدنی بر شی بولنماملیدر و اكر ضروری بولنمسی لازم كلور ایسه آیری تللر ایله مجرا تلنه ربط ایدلملیدر. پاراتونر (١٧٥٥ م و ١١٦٩ ه) تاریخنده امریقالی حكیم مشهور (فرانقلن) معرفتیله ایجاد اولندی.