باچیناق —
تركستانك جهت غربیسندن چیقوب (یاییق) و (وولغا) نهرلری جوارینه هجرت و اورالرده و حزز ولایتنده اقامت ایدن ترك قبیلۀ جسیمه+سنك اسمیدر. بونلر (٨٨٤ م و ٢٧١ ه) تاریخنده )اوز) و (حزز) تركلری طرفندن طرد اولندقلرینه بناء (وولغا) نهرینی کچوب سكز طقوز سنه ظرفنده (دون) نهری ساحلندن و (دینه+پر) نهری ساحلنه قدر اراضیده سكز فرقه+یه منقسماً ساكن اولدیلر و بر حكومت تشكیل ایتدیلر شمدیكی افلاق و بغدان و (ترانسیلوانیا) و (بسارابیا) و (كیرسون) و (بولتلوه) ممالكی اولوقت حكومت مذكوره داخلنده بولنور و متصرف اولدیغی ممالك صربستان و بلغارستان و مجارستان و لهستان و حزز ممالكیله تحدید اولنور ایدی اشبو (پاچیناق)لر روسلر و مجارلر و یونانیلر ایله محاربه+دن خالی اولمدقلرینه و (١٠١٨ م و ٤٠٩ ه) تاریخندن صكره یعنی ایكنجی بلغار قرالیتنك انقراضی عقیبنده وقوعبولان شدتلی محاربه+لر كچوردكلرینه بناء علی التدریج ضعفه دوچار اولارق (١١٢٠ م و ٥١٤ ه) تاریخنده ایكنجی (ژان قومن)ك غلبه+سی مناسبتیله بتون بتون طاغلدیلر.