لغات تاریخیه و جغرافیه

Lugat-ı Tarihiyye ve Coğrafiyye

پاتیزیت

پاتیزیت — ملوك كیانیه+دن فرس ملكی (لهراسب) مصر سفرینه كیتدیكی زمان یرینه وكیل براقدیغی وزیرك اسمیدر. لهراسبك مصردن عودتی اوزادیغی و فوق+الغایه شدتنه بناء خلعنی استیانلر چوغالدیغی جهتله مرقوم (پاتیزیت) فرصت بولوب ابتدا لهراسبك وفاتنی اعلان و متعاقیا كندو قرنداشی (سمیردیس)ی لهراسبك محبوس اولان قرنداشیدر دیه+رك تخته اجلاس ایلدی و لهراسب مصرده كیفیتی خبر الوب كمال خشم و غضبله كلوركن یولده آتدن دوشوب وفات ایلدیكنه بناء پاتیزیتك یاپدیغی حیله یاننه قالدیسه+ده یدی سكز آیدن زیاده سورمدی یعنی لهراسبك قرنداشنی دها مصره كیدركن خفیاً اعدام ایتدیردیكی و تخت فرسه جلوس ایدن سمیردیس لهراسبك قرنداشی اولمیوب وزیر مرقومك قرنداشی ایدوکی تحقق ایلدیكندن (٥٠٧٢ خ) تاریخنده یعنی میلادك بشیوز یكرمی ایكی سنه مقدمنده اكابر دولت طوپلانوب درحال پاتیزیتی و تخته چیقان قرنداشیله سائر متعلقات و منسوباتنی و بونلرك سایه+سنده خدمات دولته صوقلمش اولان بالجمله (مغان)لری كاملاً فتل و طرد و تخت فرسه وزرادن )دارا)ی اولی بالانتخاب اجلاس ایلدیلر.