پاتنا —
هندستانده بنكاله ایالتی داخلنده و (غانج) نهرینك جهت غربیسنده بر شهر شهیردر و بولندیغی موقع غایت مستحكم اولوب اهالیسی ایكیوز سكسان بیك راده+سنده+در. بو شهر (١٣٠٠ م و ٧٠٠ ه) ) تاریخندە ید اسلامیانه كچوب مجوسیلر طرفندن استرداد اولندی و مؤاخراً ینه اسلام استیلا ایدوب (١٧٢٣ م و ١١٧٧ ه) تاریخنده انکلیزلر طرفندن ضبط اولندی. پاتناده اعلا كهرچله و پاموق و پرنج و افیون چیقار هواسی معتدلدر. بو شهر مقدما (ماغادا) حكومتنك مقر ادارە+سی اولدیغی حالده نامی )بهار) ایدی و بو مناسبتله حكومت مذكوره+یه دخی (بهار) حكومتی دیرلر ایدی.