پاتاتز یاخود (پاته+تیس) —
بر نوع یر الماسیدر بونك کشفی زنكین بر التون ویا كموش معدننك كشفندن دها مقبول و معتبر اولدی زیرا (پاتاتز) غایت مغدی اولدیغی حالده هر نه درلو اراضیده اكلسه بتر و چوق محصول ویرمكله خلقی قحط بلیه+سندن قورتارر پاتاتز امریقاده
نشوونما بولمقده اولدیغی حالده میلادك (١٥٨٦ م و ٩٩٥ ه) تاریخنده )والتررال بغ) نامنده بر انكلیزلی انكلتره قرالیچه+سی (ویرژینی الیزابت)ه. تخمنی كوندردكدن صكره شهرت بولدی اولوقتدنبر و انكلتره+ده و بوندن یوز سنه اول دخی فرانسه+ده و شمدیلرده همان هر یرده زرع اولنمقدە+در. صورت زرعنه کلنجه اول بهارده هر قنغی بر اراضیده صبان ایله بینلری یدیشر عشیر زراع اولمق اوزره خندقلر اچیلوب پاتاتزك اوفاقلری یاخود اوزرنده كوزلری اولان بیوجك پارچه+لری هر برینك اره+سی ایكیشر عشیر زراع اولمق اوزره دیزیلوب اوزرلری اورتلمك و فلیزلنمكه باشلادیغی زمان ضعیفجه+لری قوپاریلوب قوتلیلری براغلمق و بوغازلری طولدیرلمق لازمدر كوز موسمنده یعنی فلیزلرینك صاپلری قورومغه باشلدیغی زمانده دیبلری چاپه ایله قازیله+رق پاتاتیزلر چیقاریلوب صغوقدن طونمایه+جق و سیجاقدن فلیزلنمیه+جك بر محلده حفظ اولنملیدر. پاتاتیزلرك صاپلری یاقلدیغی حالده كولندن بر نوع سوده حاصل اولور و رندە+لنمش پاتاتزدن اعلا نشاسته چیقاریلور و نشاسته+نك سوزلمسندن حاصل اولان پوصه دخی سمرتیجی اولمق حسبیله حیواناته یدیریلور.