ایچنده و ایكیوز اللی قدم ارتفاعنده و اللی قدم سمكنده ایكی سوری و بو سورلرك درت طرفنده توجدن معمول یوز عدد قپوسی و فرات نهرندن صو اخذ و املا اولنمش جسیم حندقلری و اطرافنده ایكیوز اللی عدد قله+سی و مملكتی و اطرافنده اولان باغ و بوستانلری اروا ایچون متعدد قناللری وار ایدی. بابلك دروننده سوری ارتفاعنه مساوی بربری اوزرینه كمرله یاپلمش و اك اوستنه قالین طپراق فرشیله جسیم اغاجلر دیكلمش و درلو درلو طرحلرله تزیین اولنمش اولان بغچه+سی عجایب سبعه عالمدندر بوندن بشقه یاپیلان سرایلر ایله حكمدار مشهور (بلوس) نامنه انشا اولنان معبد قدیم شایان تماشا ابنیه جسیمه+دن ایدیسه+ده شمدی هیچ برینك اثری فالمیوب یالكز نمرود قله+سی دنیلان خرابه مشاهده اولنمقده+در. بابل شهری اسكندر رومینك زمان استیلاسنه قدر موجود اولوب اندن صكره خرابه یوز طوتدی و اهالیسنك كافه+سی صابیء المذهب ایدوكی عند المورخین تحقق ایتدی
اسكی زمانده مصرده دخی (بابل) نامنده بر مملكت وار ایدی دیرلر و شمدیكی قاهره+نك اولدیغی یرده تخمین ایدرلر.