لغات تاریخیه و جغرافیه

Lugat-ı Tarihiyye ve Coğrafiyye

بابكیه

بابكیه — خوارجدن (بابك) نامنده بر زندیقك (٨٣٠ م و ٢١٥ ه) تاریخنده ابداع ایلدیكی مذهب باطلك اسمیدر. بو مذهبی قبول ایدنلر كندو مذهبلرینك خارجنده اولنلرك قتلنی و زنایی و بالجمله محرمات و محارمی مباح اعتقاد ایتدكلریچون (بابکیه حرمیه) نامیله شهرت بولمشلر و كندو بینلرنده دینلرینه (دین الفرح) تسمیه ایمشلر ایدی فقط بو مذهب اولوقت یكی بر شی اولمیوب اندن اول (مژدك) نامنده بر زندیق دخی بویله بر مذهب اختراع ایتمش و (نوشیروان)ك همتیله محو و منقرض اولمش ایدی خلفای عباسیه+دن (معتصم بالله) دخی مرقوم بابكی طوتوب معتقدلرینك وجودینی قالدیرمق اوزره (٨٣٣ م و ٢١٨ ه) تاریخنده آذربایجانه كلیتلو عسكر كوندروب درت سنه امتداد ایدن محاربه+ده بر چوغنی قیردی و دردنجی سنه بابكی طوتوب بغدادده اعدام ایلدی و مقدما اسیر دوشن یدی بیك التی یوز مسلمان اسارتدن قورتلدی. بو خبیثك یوزندن برقاچ سنه ظرفنده ایكیوز اللی اوچبیك نفوس اسلامیه+نك شهید اولدیغی تواریخده مقیددر.