) بابر شاه —
تركستان غربیده حكومت ایدن (فرغانه) پادشاهلرندندر بونلرك اصللری سلاله تیموریه+دن ایدی. بو ذات (١٤٩٤ م و ٩٠٠ ه) تاریخنده فرغانه+ده تخته جلوس ایتدكدن و سمرقندی تحت اطاعته الدقدن صكره هندستان فتوحاتنه باشلایوب (١٥٢٥ م و ٩٣٣ ه) تاریخنده (آغره) یعنی (اكبر) و (دهلی) و (قندهار) و (كابل) و (بد خشان) و (لاهور) ولایاتنی آلدی و ایكنجی هجومنده سند نهر بنی تچوب اکثر ممالك هندیه یی بالاستیلا هندستان مفول پادشاهلغنی اعلان ایلدی و (١٥٣٠ م و ٩٣٧ ه) تاریخنده غایت سوكیلی بر اوغلنك دوچار اولدیغی خسته+لكدن خلاصی امیدینی كسدكده یا ربی اكر اوغلمك وفاتی مقررایسه انك یرینه بنم روحمی قبض ایله دیو دعا و استرحام ایتمسیله حکمة الله تعالی اوغلی صحت بولوب
كندوسی اكا بدل اولمق اوزره آخرته كتدی. بونك سلاله+سی هندستانده بر عصردن زیاده سلطنت سورمشدر مشار الیهك زمانی وقوعاتنی مبین قلمه الدیردیغی تاریخ مؤاخراً انكلیزجه+یه دخی ترجمه اولنمشدر. اصل اسمی محمددر.