باب السعید — مصرك بحریه دنیلان قسمنده و بحر سفید ایله التصاقی اولان (انزلی) كولی اوزرنده تخمیناً سكز بیك نفوسی جامع بر قصبه+در. بو قصبه سویش قنالنك بحرسفید جهتی اغزنده اولدیغی و جوارینه بر كوچك لیمان یاپلدیغی جهتله قنالك كشادندن صكره كسب اهمیت و معموریت ایتدی. و تنظیم و توسیعی و لیمانك حفری (١٨٦٠ م و ١٢٧٧ ه) تاریخنده سعید پاشا زماننده و قوعبولدیغی ایچون باب السعید نامی ویرلدی. زبانزردی (پورت سعید)در.