باب الابواب —
قفقاسیه قطعه+سنك جهت شرقیسنده و شیروان قربنده بر شهردر بو شهر (نوشیروان) كلمه+سنده محرر اولدیغی اوزره اوراده انشا اولنان سد عظیمك قپولرندن برینك موقعنده بولندیغی ایچون بو نامی المشیدی بوراسی (٨٦٨ م و ٢٥٥ ه) تاریخنده طوائف ملوكدن بنو هاشم حكومتنك پای+تختی اولمش و هجرتك اوننجی عصرنده فاتح مشهور (اوز تیمور) زاره عثمان پاشا معرفتیله فتح و ممالك دولت علیه+یه الحاق اولنمشدر. بورایه تیمور قپو دخی دیرلر