لغات تاریخیه و جغرافیه

Lugat-ı Tarihiyye ve Coğrafiyye

بابا رتن هندی

بابا رتن هندی كنیه+سی ابو رضا — بونك حضرت (عیسی) علیه+السلام زماننده بر حیات ایدوكی و زمان سعادته قدر یشایوب زمرۀ اصحاب كرامه دخی داخل اولدیغی و هجرت جناب پیغمبریدن صكره بشیوز بو قدر سنه دها معمر اوله+رق رسول اكرم افندمزك كندوسنه امانةً اعطا بیوردیغی (مشط) سعادتی امرلری وجهله شیخ (رضی الدین علی لالا) حضرتلرینه تسلیم ایلدیكی كتب تواریخده محرر ایسه+ده بونك صحتنی تصدیق ایچون دوشینوب یورلمقدن تكذیب ایدوب قورتلمق دها خیرلودر بابای مرقومك بر یالانجی حریف ایدوكنی قاموس صاحبی پك كوزل تحقیق و تفصیل ایتمشدر. ارتحال جناب نبویدن خیلی زمان صكره دعوای صحبت ایدن یالكز بو دكل ایدی (٥٨٩ ه) تاریخنده (ربع ین محمود) ماردینی و یدیوز تاریخلرنده (معمر دخی بو دعواده بولنوب اهل حدیث و سیر طرفلرندن اكثریسی تكذیب اولندیلر.