لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
بابا اسحق
Baba İshak
بابا اسحق — قرمانلی بر ملحددر. بو خبیث قونیه و جواری اهالیسنه كندوسنی فوق+الغایه عابد و زاهد كوسترە+رك كركی كبی حسن ظن قزاندقدن صكره (١٢٣٩ م و ٦٣٧ ه) تاریخنده پیغمبرلك دعواسیله میدانه چیقوب و باشنه بر چوق مذهبسز حشراتی طوپلایوب اماسیه و توقاد حوالیسنی اوردی و ایتدیی غدارلغه و یغماكرلكه بناء اناطولی ایچنی خیلی تلاشه دوشوردی و حقیقت حالی تدقیق و موازنه+یه مقتدر اولمیان برچوق ساده دل كمسه+لر خبیثك كلمات مفسدتكارانه+سنی طوغری سوز ظنیله تصدیق وانتسابه باشلادی و آخر كار سلچوقیه رومدن قونیه امیری (كیخسرو) طرفندن مستوفی عسكر ارسالیله جمعیتی طاغیدیلوب كندوسی بعض عوناتیله اخذ و اعدام اولندی. امیر مومی الیهك اول وقت (فرانق) دولتی طرفندن استمداد ایلدیكی دخی مرویدر