ایوب علیه السلام — بن (موصی) بن (راعویل)
سوریه+ده (عوص) ولایتنده تولد ایدوب حوران و پیشنه اهالیسنه بعث
و ارسال بیورلمش بر پیغمبر ذیشاندر و (لوط) علیه السلامك كریمه+زاده+سیدر
.بعضیلری جبل عیسوده (جزه) نام محلده تولد ایتدی دیدیلر
و بعض مورخلر غورالاردن دیارینه حكم ایدن (یواب بن زراخ) ایوب
علیه السلامدر ظن ایلدیلر
هر نه حال ایسه بولندیغی مملكتك اك زنكینی و معتبری و خاندانی ایدی
كندوسنك اون نفر اوغلی و یدی بیك قیونی و اوچ بیك دوە+سی و بشیوز
چفت اوكوزی و مواشیء سائره+سی و بونلری اداره و زراعت ایچون
برچوق خدمه+سی اولدیغی حالده من طرف الله امتحان ضمننده اولاد
و اموال و مواشی و سائره+سی از وقت ایچنده كاملاً فوت و تلف اولدی
اویغونسز علته مبتلا اوله+رق بر قاچ سنه دوام ایتدیكندن احبا و اصدقاسی
سمتنه اوغرامقدن كسلدی لكن مشارالیه مبتلا اولدیغی اشبو
بلایانك كافه سنه صبر و یاكلش نصیحت ایدنلرك نصیحتلرینی حكیمانه رد ایدرك
دعاسیله جناب حقه (رب انی مسنی الضروانت ارحم الراحمین
مناجاتدن آیرلمدیغیچون جناب حق كمال لطف و عنایتیله صحت و اولكینك
ایكی مثلی اولاد و اموال احسان بیوردی و یوز قرق سنه دها عمر
سوردكدن و درت بطن اولاد واحفادینی كوردكدن صكره
(٣٧٨٧ خ)
تاریخنده یعنی میلادك بیك سكز یوز یدی سنه مقدمنده وفات ایلدی