ایوان — یاخود (ایوان كسری) — اكاسره+نك پای تختی اولان
مداین شهرنده و دجله نهرینك جانب شرقیسنده بر جسیم بنا ایدی بونك
بانیسی حقنده اختلاف واردر بعضیلری (شابور ذوالاكتاف) ك
و بعضیلری (نوشروان)كدر دیرلر ابن خلدون شابورك بناسی اولدیغنه
ذاهب اولمشدر
بو بنانك وسعتی حقنده دخی مبالغه+لی روایتلر چوق ًایسه ده صحیحی طولا
و عرضاً طقسان و ارتفاعا سكسان ذراعدن عبارتدر. خلفای عباسیه+دن
) ابو جعفر المنصور) بغدادی بنا ایتدیردیكی زمان ایوان مذكوری هدم
و انقاضنی جلب مراد ایتدكده وزیری خالد برمكی خلق بونی سزك عجزیكزه
ویرر بو ایسه شانكزه خلل كتورر دیدیكی جهتله ترك ایدوب (شابور
بن اردشیر)ك ینه مداینده بنا ایتدیردیكی (قصر ابیض) ك هدمنی امر
ایلدیسه ده هدم ایچون وقوعبوله+جق مصرف آلنه+جق انقاضك یكیدن
اعمالندن زیاده+یه وارە+جغی بالتجربه اكلاشلدیغندن بو دخی ترك اولندی.
علی روایه (طاق كسری)نك اوزرنده بعض ملوكك و نوشروانك و محاربه
ایدیلان انطاكیه ملكنك رسملری و دها برچوق تماثیل و تصاویر وار ایمش (٦٣٧ م و ١٦ ه).
تاریخنده (سعد بن عباده) حضرتلری مداین شهرینی
فتح ایتدكده طاق كسراده بلا فاصله سكز ركعت صلاة فتح قیلوب غزاة
مسلمین ایله تكبیر كتوردی لكن تماثیل مذكوره+یه طوقنمدی.
ایوان مذكور حقنده ابن حاجبك ایتدوكی روایت اولنان ابیات
یامن بناه بشاهق البنیان
انسیت صنع الد هر بال ایوان
هندی المصانع والدسا كر و البنا
و قصور كسرانا انوشروان
كتب اللیالی فی زارها اسطرا
بیدالبلی وانا مل الحدثان
ان الحوادث والخطوب ادا سطت
اودت بكل موثوق الاركان
جلال الوله ابن بویه نك ابیاتی
یاایها المغرور با لدنیا اعتبر
بدیار كسری فهی معتبرالوری
غنیت زماناً بالملوك و اصبحت
من بعد حادثه از مان كما تری